Er Ajuntament de Bossòst exprèsse era sua condolença pera pèrta de Mercedes Delaurens, còsso e conselhèra entre 1999 e 2007

Er Ajuntament de Bossòst presente era sua condolença a família e amistats pera pèrta, de patac, dera sra. Mercedes Delaurens Deó, còsso d’aguesta Corporacion Municipau e conselhèra generau peth terçon de Quate Lòcs pes grops de Convergéncia Democratica Aranesa (CDA-PNA), enes legislatures de 1999-2003 e 2003-2007, enes quaus exercic diuèrses responsabilitats de govèrn, tant locaus coma deth Conselh Generau, en airaus coma era cultura, era salut, eth benèster e era família. Ath delà, Delaurens a destacat pera sua dedicacion a favor de diuèrses activitats e events culturaus, sociaus e religiosi deth municipi.

“Tot eth pòble, consternat, ei de dò, pr’amor que Mercedes Delaurens, Merche, a estat un puntau dera vida collectiva de Bossòst e un exemple de dedicacion, entrega e esfòrç en exercici des sues responsabilitats coma servidora publica”, a declarat er alcalde Amador Marqués.

Deja un comentario

Tu dirección de correo electrónico no será publicada. Los campos obligatorios están marcados con *