Edicte sus era aprovacion iniciau dera modificacion puntuau des Normes Subsidiàries e Complementàries de Planejament dera Val d’aran, en er ambit de Sant Ròc.

E D I C T E

Edicte sus era aprovacion iniciau dera modificacion puntuau des Normes Subsidiàries e Complementàries de Planejament dera Val d’aran, en er ambit de Sant Ròc.

Er Ajuntament de Bossòst en session ordinària deth Plen de data 30 de seteme de 2014, a adoptat per unanimitat des membres assistenti, que representen era majoria absoluta legau des membres dera Corporacion, er acòrd qu’ena part dispositiua establís çò següent:

PRUMÈR: Aprovar iniciaument era modificacion puntuau 01/2014, des Nòrmes Subsidiàries e Complementàries de Planejament dera Val d’Aran en er ambit de Sant Ròc, tanplan coma cònste en eth document redactat per OUA Gestió del Territori i Urbanisme e promoigut per GRUP SANT RÒC 5.

DUSAU: Sométer er expedient aprovat iniciaument a informacion publica per un ternini d’un mes, per miei d’anonci que se publicarà en eth Diari Oficiau dera Generalitat de Catalonha (DOGC), en eth Huelheton Oficiau dera Provincia de Lhèida (BOP), en eth diari Segre, atau coma inserir edicte en eth taulèr d’anoncis dera corporacion e ena pagina web der ajuntament, a fin e efècte de qu’es persones interessades poguen consultar eth document entara aprovacion iniciau dera modificacion des nòrmes e presentar es allegacions e reclamacions que consideren de besonh, a compdar deth longdeman dera darrèra publicacion.

TRESAU: Simultanèament ath tramit d’informacion publica calerà demanar informes as organismes afectadi per rason des sues competéncies sectoriaus. Tot açò en compliment der article 85.5 deth Decret Legislatiu 1/2010, de 3 d’agost, peth quau s’apròve eth text rehonut dera Lei d’Urbanisme.

QUATAU: Autrejar audiéncia as municipis damb es que confine Bossòst.

CINCAU: Suspéner er autrejament des licéncies urbanistiques tostemp qu’en sòn autrejament supause ua disconformitat o queden afectades per aguesta modificacion, cossent damb er article 73.2 deth Text Rehonut dera Lei d’Urbanisme.

Bossòst, 7 d’octobre de 2014

Er alcalde

Francisco Rodríguez Miranda

Vèir Edicte

Deja una respuesta

Tu dirección de correo electrónico no será publicada. Los campos obligatorios están marcados con *