General, Noticies, Residents|

Pendent era setmana deth 22 ath 25 de noveme, eth grop de cicle superior auem premanit e realizat diuèrses activitats entà apréner mès e aumentar eth nòste compromís envèrs era sostenibilitat. Son es que seguissen:

  • Fesivau de Santa Cecília: entath Dia dera Musica, auem composat un rap que balhe exemples entà méter en practica es 5R. Tanben auem versionat ua cançon. Auem escrit era letra que tracte d’aspèctes de sostenibilitat.
  • Campanha d’arremassada de residus ena escòla: eth grop a organizat ua campanha d’arremassada de piles, tòners des impressores, bombilhes…. Es companhs e companhes des auti corsi an participat plan activament e an portat de casa fòrça causes. Auem compdat tanben damb era collaboracion deth Conselh Generau d’Aran, que mos a proporcionat contenedors de piles, plastics, papèr e residus organics entà renauir es qu’auíem ena nòsta escòla. Fòrça gràcies!
  • Mos informam sus es tipes de plastic: era associacion Verd e Blu mos an confeccionat ues infografies fòrça interessantes sus es diuèrsi tipes de plastic. Nosati auem analizat molti envasi de productes diferents (begudes, sabon, brics…) entà saber quini son es de mès bon o mau reciclar. Gràcies! Auem aprenut fòrça!!
  • Eth grafic des residus: pendent aguesta setmana, auem reservat es residus de plastic que se genèren en pati e damb eri, auem elaborat un grafic de barres. L’ac auem ensenhat as escolans de cicle iniciau e infantila entà conscienciar-les dera importància de redusir aguest tipe de residus.  Auem vist que consumim ua grana quantitat de brics de chucs e botelhetes de igourt bebible. N’auem parlat e tret conclusions fòrça interessantes que meteram en practica.

Demoram qu’a compdar d’aguesta setmana, era nòsta escòla sigue mès sostenibla e genère menhs residus plastics! Ei eth nòste rèpte!!

Laisser un commentaire

Votre adresse e-mail ne sera pas publiée.

Close Search Window