Ajuntament, General, Noticies|

Er Ajuntament prebotge accions entà preservar aguest parçan deth municipi damb hons deth programa europèu Leader

Er Ajuntament de Bossòst a prebotjat, pendent es darrèri mesi, diuèrses actuacions en parçan d’Aubàs e Còth de Barètja entara creacion d’un parc culturau de montanha, d’acòrd damb eth finançament autrejat per miei deth programa europèu Leader. Aguestes accions an consistit en condicionar er itinerari format peth camin de petit recorrut e era pista forestau atau coma melhorar es dus airaus de parcatge damb baranes de husta (un ath principi, en cap deth Portilhon, e un aute en cap deth bòsc d’Aubàs, a uns mètres enjós de Còth de Barètja).

Ath delà, s’an plaçat dues barrères entath transit rodat enes madeishi punts damb er objectiu de regular es accèssi enes epòques de màger afluéncia de gent e hèr possibla era conviuença des visitaires damb es activitats tradicionaus, coma era ramadèra.

Tanben s’a reabilitat era cabana de Còth de Barètja, de liure accès, damb ua taula de léser exteriora e ua auta ena cabana de cap deth bòsc, ath delà de refortilhar era senhalizacion existenta.

Damb aguestes accions, qu’an compdat damb ua inversion de 35.000 èuros, er Ajuntament contribusís ara preservacion d’aguest espaci d’interès paisatgistic, naturau e culturau, coma un des punts d’interès mès subergessents deth municipi.

Totun, Còth de Barètja ei un parçan fòrça apreciat pes vesins e vesies e per toti es que le visiten, pendent totes es sasons der an.

Ajut per: « Creacion de parc culturau de montanha Baretja-Bossòst »

Operació: Implementació d’estratègies de desenvolupament local

Actuació del Programa de Desenvolupament Rural de Catalunya 2014-2022, cofinançada per: 

      

Laisser un commentaire

Votre adresse e-mail ne sera pas publiée. Les champs obligatoires sont indiqués avec *

Close Search Window